【蛋老師有話說】奇華月餅到底有無用錯花?

香港嘅話題真係轉得好快,訓醒就已經變成國師討論月餅老字號。
所以今日講下奇華月餅廣告用嘅花 - 「曼珠沙華(まんじゅしゃげ)」又名「彼岸花(ひがんばな)」

曼珠沙華呢個咁浪漫嘅名來自梵文Manjusaka,呢種花其實好靚,秋天開花。東京附近大概45分鐘車程嘅地方, 就每年都有「曼珠沙華祭り」,滿山遍野開滿紅色為主嘅花,第一眼真係靚到呆左。

但曼珠沙華亦有個唔太吉利嘅名叫彼岸花(彼岸意指死後世界),據說是因為全株有毒,包括根部,動物不敢食用。而且抓住泥土嘅能力好強,所以以前嘅人會用來種在墓碑旁,希望將來回來能找到墓穴位置。
而因為有毒,中毒之後清則上吐下瀉,重則麻痺中樞神經死亡。饑荒時萬一食到草根樹皮都無,就會考慮一係餓死一係食佢嘅球莖死前飽一飽。

不過也不是全部都係衰野,因為據說按照佛經,呢個字係梵語係解作在天界盛開,有喜慶事時從天空降下來嘅花。

韓國又叫佢做相思花,因為呢種嘅葉同花唔會同時出現,因而永無相見之日,所以有「花想葉時葉想花」嘅講法。

悄悄長舌:哎呀~初哥哥套戲裡面最講道理果個萬朱莎華嘅結局都唔係幾好wor~~
大家又點睇呢?

@曼珠沙華まつり : http://www.hidakashikankou.gr.jp/manjushage/

Related Post

發佈回覆

你的電郵地址並不會被公開。 必要欄位標記為 *