學校周年紀念隨想

光陰似箭~ 日月如梳~ 我哋校慶呀😬
TAMAGO在SARS之後出現,回顧過去幾年變化最大,非常感恩在各方友好的支持和協助下,TAMAGO出現以下的變化:
★「老師圍爐」這個Peer Group 的出現實屬無心插柳。本來純粹為了「同一個注意事項不需要反覆說幾次」所以將受影響老師們拉到一起而出現,結果達到了良好的意見交流效果。當然圍爐互相取暖、交流心得和互相恥笑🤣亦相當治癒。有d位置因為已成習慣,很容易因為「滑咗牙」所以有所忽略。肉麻一點也要說句「初心忘れるべからず」「今後とも宜しくお願い致します」謝謝各位互相吐槽的TAMAGO老師們。
(勿忘初心)(今後也請多多指教)
老師們也要圍爐嗎?係呀。
老師們唔係留過學嗎?係呀。
老師們唔係N1嗎?係呀。(蛋:我有幾張添。嘻)
咁教ABC(即係あいうえお)有咩好驚呀?
因為教學係另一個技巧嚟。我哋希望每次上堂120分鐘都輕鬆有趣,唔好誤人子弟教錯嘢,亦唔好悶死大家死背書。由第一日開始,我哋就希望教學相長 -「教得開心,學得開心」。
順道再次介紹一下老師陣容:
http://www.tamago.edu.hk/about/tutor.php
★另外一個新出現的產物是「留學雞蛋仔支援組」。由於是一個非公開小組所以各位可能沒有察覺它的存在。小組成員為經由TAMAGO代辦的留學生所組成。人在異鄉,各位「雞蛋仔」互相扶持交流經驗,在疫情下亦發揮出一定作用。蛋老師老懷安慰
★網站🙈悄悄的revamp了。說「悄悄」不是因為我哋真係靜雞雞咁做。而係做好,本來諗住正正式式咁launch,結果舊版本有一日突然「死去」😩,臨急臨忙之下好彩總算有準備,就將新版本推咗出去。由於推出之後繼續修改了一些不滿意的部份和字眼🙈咁⋯就悄悄地完成了。咁即係邊日完成咗呢?我⋯我⋯已經講唔清楚。新(咗幾個月)嘅網站非常具備TAMAGO 特色元素,蛋老師非常喜歡。唔記得咗鄭重介紹,IT人s唔好嬲我🥺
http://www.tamago.edu.hk
疫情持續,也藉此機會感謝各位同學忍耐,低科技老師(例如我)變成能網上教學的老師中途的各種裙拉褲甩。9月底我們會全面恢復實體課堂,請各位也多多指教。
#有上台講得獎感受嘅感覺
#好驚多謝漏咗
#唔好搶我mic
#俾我講埋先

Related Post

發佈回覆

你的電郵地址並不會被公開。 必要欄位標記為 *