「小林がやらかした17倍辛い焼肉のたれ」
事源係有人到「宮田醬油店」參觀，發現現場販賣店有一種離奇嘅燒肉醬汁，「小林が*やらかした17倍辛い焼肉のたれ」（ #小林瀨咗嘢17倍勁辣燒肉汁 ）之後變成twitter熱話。

醬油廠員工小林喺生產過程中唔小心放錯份量，加入比原定多17倍嘅辣椒🌶。本來工廠諗住♯死得😰，點知試食又好好食，覺得會賣得！因此以108yen（128g）嘅價錢推出成為商品，仲註明「數量有限」。解說貼埋小林個頹樣出嚟。產品迴響很大，大家好喜歡並要求繼續出第二批，又希望醬油店可以放埋呢個產品喺網店度賣。

😌咳咳～ 返回日文老師主場。
有關錯有錯著產品嘅解說+小林頹樣如圖。
篇幅所限我唔逐字講解，但當中有幾個字幾特別，#蛋老師 想同大家一齊學學～

「小林が #やらかした 17倍辛い焼肉の^たれ」
有3個字頗為相似，全部都係「做嘢（當然唔係指好嘢，而係指「條友又有新貢獻😫」果種….即係瀨嘢）」 -「やらかす/しでかす/ ヘマをする」

△ やらかす（遣らかす）
是「やる」或者「する」的俗語。亦有飲/食嘅意思，今次不述。
「無諗過會做，但做咗」嘅意思。類似英文「I screwed up」。譬如小林咁～
又例如 #田田 幫公司印宣傳單張，但內容出錯（我抽離唔到？🤣）

△しでかす（仕出かす）
是「してしまう」即係帶有😨嘅意味「出事喇～～」嘅意思
「大件事，人人聽到都會話『你唔係下嘛』😨」。
我覺得廣東話「玩到咁大」好接近呢種意思。
譬如用錯石屎起咗廿幾層樓果d….

△ヘマをする – 來自「下手な間」
係「一時失手衰咗」嘅意思。

⚠️特別留意呢3個字都唔可以用嚟道歉。
唔好以為批評自己就適合道歉用，你想像下如果同老細講「我一時玩大咗～」係咩效果？🤣 切記切記。
如果需要為自己嘅錯誤道歉，高班d可以考慮「このたび私の不始末で…」
最淺白嘅當然就係「本当にすみません😫」

◎たれ – 冇咩。不過見過好多同學都會講咗做「だれ」。
連同前面個字出現發音變化果陣的確會，不過「～の たれ」單獨存在果陣冇「 　゛」，唔好再講錯做「焼肉のだれ（Who）」🤣

◎本来であれば ♯ぼつにする
ぼつにする – ぼつ（歿・没）。即係戰歿/淹沒…那種死亡/被消滅。
可以用喺好多地方，譬如建議被駁回等等都可以用呢個字。
生產商用呢個字最後當然唔會有人死，其實係「銷毀」嘅意思。
廣東話博大精深，我揀咗「死得」呢個字🤣

🔎：創業於1904年嘅宮田醤油店創業時為和服店，後來拓展事務做埋釀造工場。
https://twitter.com/390zdtl5nu2grbb/status/1419267251459395587?s=21