【東京帕奧】 古川佳奈美艱難的成長故事 🧅🙈

坦白說…帕奧一直以來的受關注程度都較低,不過當中的汗水和淚水,用屁股諗都知道只會更多。

圖中美少女選手叫古川佳奈美(24歲),世界排名第5位,名副其實的美貌與實力並重。

古川媽媽接受訪問時表示,自小已經覺得呢個女特別難湊、好難教、講極都唔明,而且只會不停模仿妹妹。終於在9歲時診斷出她有輕度智力障礙和學習障礙。而且因為周圍的不理解,小時候交唔到朋友而產生二次傷害導致耳聾。旁邊的人會問「人哋做到點解你做唔到」,但佢真係做唔到,佢甚至講唔出「我有盡力,不過真係做唔到」🥺。

外表上看不出不健全,其實令佢處境更困難。而且老實講,睇片真係唔覺得佢說話談吐甚至儀表同一般人有分別。

終於喺媽媽嘅鼓勵下,中學時期開始打乒乓波,呢個決定為佢嘅人生打開另一扇窗!
3年裡面由11位上到5位。教練井保啓太最初亦同佢有溝通困難,經過長時間磨合總算搵出古川選手能理解嘅用字同方法,培養出佢嘅必殺技10式變化「しゃがみこみサーブ」(唔知道中文點叫呢?係一個稍為蹲下「落西」嘅發球),即使健全球員都不容易掌握,而且據說有智力障礙嘅球員裡面,佢係唯一一個能掌握呢個技術嘅😳!
係個攻擊型球員💪🏻

平日嘅古川選手喺明太子工場裡面工作。
公司每年為支持佢去海外出戰,支出達到數百萬日圓。
(😭真係好好!)

老闆今本先生接受訪問「雖然佢有時會呻下,不過與其話包括我自己在內全公司上下都支持佢,不如話我哋全部人都喺佢身上得到勇氣💪🏻」

古川選手同時會喺佢嘅訓練場地陪中小學生一齊練習,#蛋老師 睇咗幾條片,佢不厭其煩咁直接指出動作重點,教小朋友果陣好有心機❤。古川選手解釋教導小朋友嘅時候會令佢嘅觀察力提升,學習到如何觀察對手。(😲教學相長!!)

作為運動員方面,因為是母國東京主場,她嘅目標係金牌,並擊倒世界排名第一第二位嘅選手!佢希望其他同病相憐嘅人可以因為佢嘅出場,一樣可以看到夢想同希望😭!!

今日感覺好兩難😫香港時間11:20佢會對戰香港🇭🇰選手 #王婷莛
😫咁好難搞~~

🔎 https://youtu.be/_xqKRMJqJjY (訪問內容)

仲有,古川選手好貪靚㗎(佢自己認嘅🤣),話覺得「打扮唔靚會連比賽都打唔到」「比賽果陣有人睇到我㗎嘛!」🤣

#唔好叫殘奧💪🏻
#先改變用字 #再改變觀感
#有夢想的人都很美
#為夢想奮鬥的精神力量很美

Related Post

發佈回覆

你的電郵地址並不會被公開。 必要欄位標記為 *