日本眾議院選舉 3.0 豆知識😌

1)日本係用手寫候選人名稱的

2)建議用鉛筆書寫。原因:用原子筆或者墨水筆會有機會化開,甚至沾污其他選票
但鉛筆擦得甩,會唔會被篡改呢?
總務省表示「唔會,因為嚴禁攜帶擦膠進入票站,而且眾目睽睽好多人睇住」
而且為確保鉛筆書寫痕跡清晰,甚至有專用特別研發嘅紙張。好多選民投票後都表示「嘩~從來未試過咁好寫嘅紙!」
紙張叫「ユポ紙」,其另一個特性係「摺咗會慢慢會彈返開(已經喺票箱裡面),方便點票」

3)因為手寫候選人名字,於是產生另一個問題:「寫錯候選人姓名會唔會成為廢票呢?」。你知啦~ 有d人寫字又真係有d肉酸😗又有d 「你貴姓呀陳生?」呢d類型嘅模糊腦袋….

咁~就要睇下字跡錯到咩地步喇~!🍵
如果有爭議性嘅就會交由選挙管理委員会判斷,並公開判斷結果和理由。
圖中係2015年日本東京都足立区議会議員「松丸まこと」的選票。
◎松丸まこと(まつまる まこと)← 正確名字

🤔圖中包含有效選票同廢票。大家認為廢票係邊d呢?

《23:00 公布答案》
除了B6,全部都係有效選票。
原因係選挙管理委員会認為,書寫能力較弱的人也有投票權。
所以如果能夠確認出選票上寫上的候選人名稱都應該被接受。
譬如字體大小、是否整齊等都可以接受。
B行1-5都好像「以訛傳訛」遊戲一樣,差少少才正確,但不阻礙確認選民意願。
唯有B6很清晰的寫出另一個人的名字,如果都照樣判別為「松丸まこと」反而有違文字本身意思,所以不獲接納。

順帶一提,就算反轉張選票寫都一樣得㗎。

Related Post

發佈回覆

你的電郵地址並不會被公開。