前方洋蔥注意🧅⚠️

櫻花季節,亦係日本嘅畢業季節。今年有一位72歲嘅年長學生大學畢業。佢叫加藤幸子。
//72歳で門出*を迎えた人がいました//

佢今年3月18日連同丈夫同兒子,一家三口由宮城県石巻市出發,到達東京母校校園參加畢業典禮。當日一家「四口」齊齊整整喺一個銅像前合照(左下角),成全了呢位媽媽心中嘅夢想,幸子手中拎住女兒綾子嘅相。同一個位置,綾子曾經拍攝入學照。幸子覺得喺呢個銅像前面,佢終於再一次同女兒綾子相遇。
「ここに帰ってくることができてよかった。綾子に会えるような気がします」
(幸好我可以再次嚟到呢度,我有感覺我可以再次見到綾子)

綾子修讀語言教育遙距課程,畢業後希望成為演員和聲優。
311大地震時綾子Year 4,有目擊者見到綾子帶著祖母逃難,一直奮不顧身照顧祖母直到最後一刻。災難發生後12日,搜索人員尋回綾子嘅遺體。

劫後餘生餘下嘅一家三口因為不想離開充滿回憶嘅居所,所以修理好當時被水淹到天花板嘅屋企,繼續原地生活。媽媽幸子希望代替女兒完成佢未走完嘅路。結果以61歲之齡申請入讀同一所大學嘅法學部。選法學部係因為很多災民災後重建都要面對艱深嘅法律問題,佢希望將來以法律知識幫助到其他受災人士。

結果佢終於如願入學,但學習嘅路比想像中困難好多。幸子有老花,幸子唔識電腦😵‍💫。但「娘ができなかったことを私が(阿女做唔到嘅事等我嚟做)」呢個信念好強,法律書籍嘅字好細,佢拎住放大鏡(ルーペ)逐個字睇,甚至努力學習用電腦用鍵盤。佢話從來都冇諗過放棄,因為佢一直都恍惚聽到個女對佢嘅鼓勵。

課程學分最快可以用4年修畢,佢量力而為花咗11年。2022年1月考完最後2科。2月底非常接近女兒節嘅時候收到通知「審査の結果、2022年3月卒業と決定しました(經審查結果,(閣下)將於2022年3月畢業)」。收到通知書,幸子第一時間向女兒節雛人形訴說。呢套女兒節雛人形仲要係地震之後特別為女兒再買的。

「やっと卒業できます。綾ちゃんも、おめでとうございます。お母さん、袴をはくのはちょっと大変だから、新しいスーツをつくって行こうと思っています。綾子がお世話になった先生たちにも、ちゃんとお礼を言ってくるから、安心してちょうだい」
(我終於可以畢業了。綾子我都恭喜你。媽媽畢業禮穿袴^有點吃力,所以我打算造一套新的西服參加。你放心,我會好好的向曾經照顧你嘅老師們都好好道謝。)

順帶一提,本篇報導由杉本織江記者採訪。杉本記者地震當時於仙台放送局上班,經歷地震之後一度離開當地轉到國際部/亞洲總局工作,之後選擇回到仙台分局正面面對地震嘅各種故事,進行深度採訪。

門出(かどで)- 離開師門。即係畢業
^袴(はかま)- 傳統和服的一種,大正、昭和初期女學生服。現代女大學生畢業時可以選用的一種穿著。感覺大概等如香港人大學畢業覺得自己應該著Graduation gown+四方帽。

有關故事將於3月31日NHK播出
世事雖然有遺憾,🥺幸子媽媽憑著愛已經盡力補完
#好想俾個抱抱佢
希望各位同學都係佢嘅故事當中得到力量,勇於踏出第一步,完成心中夢想💪🏼

🔎 https://www3.nhk.or.jp/news/html/20220325/k10013545721000.html

Related Post

發佈回覆

你的電郵地址並不會被公開。