「14歲媽媽」呢d社會問題，自然逃不過日本編劇嘅法眼😌
2006年一套日劇叫「14才の母」（じゅうよんさい の はは）非常受歡迎，亦係無線電視明珠台播放㗎～（含少量劇透）
劇名故意用「才（さい）」而唔用「歲（さい）」係其中一個焦點。
日常生活常用「才」代替「歲」，據說係因為2個原因。
「歲」字筆畫多，日本一般要到高中程度才會正式學習。高中以前或者日常生活一般
寫同音白字的「才」代替*。既然主人翁只有14歲初中2年級，自然用符合人設嘅「才」。
另一個原因於後來公布：呢個「才」同樣是「才能」嘅才。劇中少女主角拼盡一身與生俱來嘅才能近乎獨力護子出生，可歌可泣。劇中少男主角人設係初中3年級嘅美少年（唔知係唔係lady killer喇，由三浦春馬飾演）。惡「家婆」蝦蝦霸霸，到尾段男主角放棄升學機會找回小情人，嗯嗯，同最近聽嘅故仔差唔多。
(老師mode💪🏻)
呢個係明顯嘅漢字圈文化差異，華人書寫文字只有漢字，我哋好堅持「某某字點寫」因為正確寫法只有一個，其他都視為錯誤。但同屬漢字圈嘅日本，雖然自古以來借用漢字但其實現代日語同時有ひらがな和カタカナ，難寫？唔知點寫？平時少見？筆畫多？淨係聽過發音冇研究過詳情？明就得啦…以上種種理由日本人都會索性唔寫漢字而用其他表記方法解決。
