姬路城事隔153年迎來「新城主」哦～

去年兵庫縣發表「體驗型回贈計劃」，如果「ふるさと納税（台灣翻譯：故鄉稅*）」金額超過3000萬日元就可以「享用」這個計畫。本來有關方面認為不會有人參加，結果….有人參加🤣。有關人士身分全面保密，跟政府聯絡都係透過代理，所以唯一資料只知道「新城主」並非當地人。

「新城主」自己冇「享用」呢個體驗，反而派咗3個代表。
整個設計係，首先「新城主」登上直升機觀賞瀨戶內海上空景色，將落後換「陣羽織」變身城主，由20名職員（好想知有冇齊齊換衫變身🤣）迎入城中，之後由千田嘉博考古學教授帶領仔細參觀姬路城，當中更包括一向不對外開放嘅「天守地階の厠（かわや。注意唔係「トイレ」。對唔住🙈….我真係好問係咪唔包試用🤪係係係…我反省）」。

之後由清元秀泰市長獻上「永久入城權」，並由30名表演者穿上戰國時代鎧兜(よろいかぶと)上演戰爭場面，包括著名嘅攻守，例如打開城牆上嘅鐵炮機關（真心勁😱）

最後到達面向姬路城嘅日航酒店最頂樓享用「城主御膳」及製作「城主肖像」。
❤成件事都好正。唔知對大家有冇吸引力呢？

ふるさと納税 – 最簡單的解說就是「民眾向自己選定的地方自治體捐款（可以抵稅），幫助地方的發展。
🔎 https://mainichi.jp/articles/20220513/k00/00m/040/293000c