據報道新潟県的士司機斉藤克巳叔叔上月因爲接載一個乘客，對方連續2次讀錯當地地名而引起佢注意。乘客落車之後佢判斷對方屬於可疑人物而通知的士公司跟進，公司立即打電話通知當地警方，警方派人到場了解而成功逮捕正在犯案嘅疑犯。

成件事…首先要讚嘅係斉藤叔叔嘅洞察力。
分水（ぶんすい）学校町，騙徒讀成「ふんすい」
↓
斉藤叔叔即刻意識到「呢個唔係本地人！」
↓
乘客去完第一個目的地之後，再去「西『うら』区」，但正確讀法其實係「西蒲（かん）区」。
↓
斉藤叔叔通知公司剛剛接載嘅乘客有可疑。
↓
警察接報到場了解。

網民一片熱議，估計讀錯地名只係首先引起司機注意嘅第一個重點，平常都可以肯定斉藤叔叔工作認真，公司對佢非常信賴。另外都要讚警察冇呃鐘，收到order即刻跟進，成功避免咗一個70歲嘅婆婆被人呃「zoom仔要錢急用」果d「オレオレ詐欺（おれおれさぎ）」🥺❤🫰🏻據稱果一區非常local，平時冇乜生埗人出入，而且老人家多。

咳咳…仲有一點。斉藤補充，個客「睇嚟25-30歲」…但其實佢只有17歲🙈
唔知犯人有冇覺得好shock？

日文嘅地名其實好多時都有特別讀音，其實只有當地人先讀得出正確讀音，估唔到今日發揮識別嘅功效喇～～

「我係外國人😫我唔識讀地名㗎喎！讀錯點算？」（即刻有人問😌）
冇咩點。讀錯咪讀錯lor🤣最多咪就係當地人知道你係外地人，冇咩嘅。

◎オレオレ詐欺（おれおれさぎ）ー　「オレ」係「俺」嘅意思。屋企年輕人長大了同家人稱呼自己好多時都鍾意升少少呢，唔再自稱「僕」。所以老人家會收到zoom仔打電話返老家話「俺だよ」。而呢種「我要錢有急用」嘅開場白自然就係「俺だよ」，於是日本就俗稱「オレオレ詐欺」喇

好鍾意案件重演裡面 #司機銳利嘅眼神😠
🔎 https://youtu.be/vJIyukebaVc