我冇🙈我冇深夜放毒呀。
我今晚去咗食燒肉🤤橫巷裡面嘅呢間舖頭。
埋單用信用卡，店長發現「嗯？邊度嘅卡嚟？你唔係日本人？」「🤣唔係呀～」
於是開始攀談aka呃水吹（信我～學語言主動呃水吹係非常重要的💪🏻）
咁啱今日遇到d小問題，又有個當地人問下非常好～

佢話以前呢一帶超多遊客，呢2年都冇喇（我唔係幾好意思話佢知….冇遊客之下遊日本其實係一件好舒服嘅事🙈）

不過佢認為疫情對日本都有好嘅影響，就係「依家比較容易請病假。以前夥計有病都唔敢開口會死頂，依家有唔舒服會開口，我都會叫佢哋唔好返工，對大家都好」嗯！係好人嚟！

店長好熱情咁即刻幫我上網搵資料，話本地人通常咁咁咁做…
之後送我出門口仲企喺度一直揮手…🥺
我諗大家一直都好喜歡去日本旅行，呢份用錢都買唔到嘅人情味，一定佔好大因素。

同學們唔好吝嗇讚美，記得出門口講多句「ごちそうさまでした！おいしかったです！」❤

#日本生活 #留學生注意事項 #如何融入日本社會