從前有個日本人，佢話「如果日本贏到德國，佢就切！！…唔係，佢就踩單車由山口縣「返」東京（①）！！」山口縣 – 東京即係幾遠呢？1150km。1150km係咩概念呢？😗 柴灣到荃灣單程係28km，咁即係往返柴灣/荃灣41次。

結果….過咗幾日之後，佢又話「如果日本贏到西班牙，佢就由東京大手町一個人跑晒箱根駅伝，到神奈川県芦ノ湖（②）！！」

咳咳～ 而佢最新係講「如果日本贏到克羅地亞，佢就會直播自己『一個人跑大手町から芦ノ湖まで箱根駅伝』」大手町　- 芦ノ湖　= 110km🫣

佢話因為自己已經唔係大學生，冇以前咁得閒，單車都生晒蜘蛛網，要花時間練體能同準備形成，大概需要用1年時間找數～
日文網民都好有愛，叫佢加油，有人仲想借單車俾佢等佢準備得輕鬆d。

點解雖然佢未找數，不過大家都唔擔心佢走數呢？
因為佢已經唔係第一次。4年前嘅2018年試過一次，當時佢話「如果日本贏到哥倫比亞我就由東京踩單車佢山口縣！」
結果佢找數，用咗11日踩完1150km。

於是～ 大家今晚就睇下對克羅地亞戰果如何喇～

◎有言実行（ゆうげんじっこう）- 講過嘅說話信守承諾「找數」！
◎やってやる！- 「做俾你呀！」由上而下嘅姿態
◎お願いだから（おねがいだから）- 唔該你丫🥺 姿態擺得好低

Twitter@B747_300SR