2022年過得並不容易。但就正正係因為過得唔容易，我哋要提醒自己嘅初心同俾自己少少鼓勵。所以 #蛋老師 又想講個小故事。

J同學缺席了一星期後再返學，將日本嘅手信分俾大家。
去日本曾經係幾咁「家常便飯」一般嘅事，依家…其實仲要講下運氣。而對J同學嚟講就更加有象徵性意義，因為佢係疫情後先開始學日文嘅，整整2年！！而今次係佢真真正正「下山」去試下自己嘅實力😠💪🏻

😎事實證明佢係有實力嘅！！佢仲記得我哋上堂講過點樣講價（係呀！日本有d地方有得講價㗎！）係「まけてください」，試完🤣雖然對方冇平俾佢，但我覺得佢勇氣可嘉，以後可以放膽用，放膽錯，放膽問喇。拿～據講同行家人都受惠於佢嘅日語能力🫰🏻❤ #老懷安慰 🚬

另外2位同學都係TAMAGO嘅雞蛋仔，都已經離開香港，各自喺外地就職。#蛋老師好開心 大家抽時間返嚟探我哋❤ 外地生活唔容易，大家要加油哦💪🏻

2022年度離港出發到日本留學嘅同學裡面，亦傳來好消息 – 已經有人就職成功，當然前提係佢出發前已經有高程度嘅日文能力😌，所以機會係留俾有準備嘅人的，未有好消息嘅同學們亦唔好氣餒，慢慢嚟🫂要相信自己嘅努力係會得到回報的。

希望2023年係更好嘅一年。
如果2022年我哋專頁嘅內容有為你帶來正能量嘅話～請你都畀個❤ 我哋啦😚

#蛋老師愛你🤣 ←呢個都係今年跟七師傅學㗎！