昆蟲係識扮死嘅，而且有地域差異。

🇯🇵岡山大學環境生命科學宮竹貴久教授及其研究團隊對昆蟲扮死以躲避天敵嘅習性🤪進行咗研究。研究對象係日本全國各地精米機嘅一種叫コクヌストモドキ（中文學名：赤擬穀盜，穀牛d friend）。

研究方法係首先先從全國38個精米機收集野生嘅コクヌストモドキ，收集地點南至沖繩北至青森縣，然後為咗排除被捕捉到嘅個體就係擅長扮死嘅一群（係，佢哋發現呢隻昆蟲都有d擅長、有d冇咁擅長扮死🤣），研究員喺實驗室內將昆蟲繁殖兩代，用小木棒篤佢嘅腹部，誘發昆蟲扮死。

結果發現，緯度高的コクヌストモドキ扮死嘅時間超過中位數（61秒！）嘅數量比較大時間比較長。而且根據研究顯示，扮死的確有效逃過天敵獵殺，所以生存率比較高。

不過唔好太高興住，因為同一個研究亦顯示，扮死越出色意味遇到異性嘅機率越少，所以一樣係不利於繁殖。

我覺得成件事換成譬如「男人」其實毫無違和感。男人扮死都好叻㗎～冇反應，最後女人（…？天敵？獵殺？🤣）無癮自己走咗。

有關研究已經上載到英國嘅Biology Letters – 「Latitudinal cline of death-feigning behaviour in a beetle (Tribolium castaneum)」。Death-feigning 就係「死んだふり」（扮死），成件事即刻學術晒。下次港女們請試著說「A Death-feigning boyfriend」，或者「死んだふりをする彼氏」，唔好開口埋口就「果條死佬」。

題外話：宮竹教授本身亦係個奇人。據稱佢曾經由偏差値39（可以理解為Band 3學生）最後發奮成為昆蟲學教授。

◎死んだ（しんだ）
◎〜ふり　- 假裝。
死んだふりをする（假裝死亡）

🔎 https://news.yahoo.co.jp/articles/679c0ee706ff38e9b8d9139a58c02a41beadf04a