嗯🤔如果你4個人入去秋葉原小餐廳叫2個丼、拍片、然後發現老細「躁底」，可以點禮貌哋回覆呢？
阻住人哋做生意，所以應該要道歉喇
→ご迷惑をおかけして、大変申し訳ございません。
（ごめいわくをおかけして、たいへんもうしわけございません）
啦啦聲落單
→注文をお願いします。
（ちゅうもんをおねがいします）
跟住？冇咩好跟住。
佢又唔係米芝蓮，應該本身都係想快，所以都係啦啦聲靜靜哋食完啦啦聲走已經係最大幫忙。
識多幾句日文，就唔洗eat!eat!eat!now!又唔係擘大口得個窿咁「そうそう」啦。
講返老細中途出場，雖然唔可以話特別有禮貌，不過秋葉原小店，又已經冷靜觀察咗一輪先出聲，一句「あのー」打開話題，再用「食べない？」直接催促，其實算係咁。
「あのー」（記得有長音）只係純粹draw attention嘅用法，遠遠唔係「喂喂喂」嘅級別。日文要「喂喂喂」起碼都要出動「おい！」（好孩子唔好學）啦～
「食べない？」係反問，同時亦有casual邀請嘅意思。「（你地）唔食嘢呀？」。要發爛渣，起碼應該出動「食いにきたじゃねーかよ？（唔L係嚟食嘢㗎）」「喋ってるじゃねー！（唔好掛L住講）」（係，L全部係我加嘅～）。
所以…其實語氣上都冇乜躁底可言，會唔會掟碗都係手滑呀？😌
話說回來，日本有肖像權，既然佢有道理就無論你鍾唔鍾意都係你唔啱啦，要尊重人㗎嘛。港協都要尊重人啦！
#eateateatnow 簡直係原汁原味廣東話 #食食食依家食
