最近有日本網民買嘢，最後發覺貴咗20倍！原來係人民幣同日圓嘅騙徒陷阱嚟。

但點解兩種貨幣都係用「¥」？
先講下日圓。

日本貨幣用「円」、「¥」係由1871年明治時期訂立嘅。其中最有力嘅講法係「円」係因為新錢幣被統一成圓形（円形、えんがた），於是繼承中國對西方錢幣稱為「洋圓」（亦即「大洋」）嘅稱呼，而且因為當時政府決定生產同香港錢幣相同等級及重量的「壱圓」（意指一個大洋），而漢字「圓」簡化為「円」。

當時同日本有貿易來往嘅西方人將發音en讀成yen，而按照使用羅馬拼音習慣用Yen第一個字母Y，又按照dollar sign習慣加上2條水平橫線而成。

順帶一提，1866年銅鑼灣曾經設立「香港造幣廠」，可惜兩年後倒閉。不過負責人之後卻被日本政府高薪聘請前往當地知道鑄幣工作，日本當局參考香港造幣廠圖則和直接引入由香港造幣廠拆下的機器，最後建造出「大阪造幣局」

至於人民幣，「¥」符號則於1955年確立，來源是「yuan」的拼寫。

所以其實2個字本來係同源來自「圓」字，不過中間分道揚鑣，而簡化符號卻相同。

#上網買嘢睇清楚貨幣呀！