早前喬治亞駐日本大使Teimuraz Lezhava嘅Twitter，本來係講佢自己星期日搭電車外出（如圖）當時佢坐咗優先席，即係香港嘅關愛座。

然後就有日本人留言「提醒」佢有關優先席嘅問題，甚至有人開口話「我知日文好難學」。另一邊亦有人表示有需要嘅時候讓座就好，於是引發爭論。

結果大使正面回應：
「優先席に座っていることに関して注意を受けました。

私が言うのも何ですが、理屈のない不要な圧力は、生きづらい社会につながるためやめましょう。空いている席に座ることに何ら問題はありません。大切なのは、必要とする方が来たときに率先して譲る精神です。」

我被提醒有關我坐喺優先席上並不妥當。

我咁講可能有點冒昧，不過我認為呢種沒有道理嘅不必要壓力，令社會變成難以生活，所以希望大家停止。坐在空位上並沒有任何問題。最重要是當有需要嘅人出現嘅時候我哋可以率先讓座嘅精神」

「何なら、私の妻は、妊娠中や乳幼児を連れてときに、優先席を譲られた経験は一度もありません。だから、優先席に座っていることで、誰にも迷惑をかけていない私が注意される理由は理解できません。」

而且我太太懷孕期間或者帶小朋友外出時，從來都冇人讓出優先座俾佢。所以我坐在優先座，喺並沒有對任何然造成困擾嘅時候反而被提醒，這讓我不能理解。

「さらに、人間として「当たり前」である他人に気を配ることができずに、変な社会のルールを押し付けるような、無機質な考えは私は正しいとは思いません。」

再者，對那些理所當然無法關心別人，但卻強加古怪嘅規則到別人身上，呢種缺乏人性嘅想法，我不能苟同。

日本人不太讓座嗎？係！不過如果單純話日本人冷漠，好似亦不是單純這麼一回事。

2022年就有有關優先席嘅意見調查。
只有39.8%嘅人會偶然（並非有需要時）坐優先席。而35.5%選擇唔會坐。唔坐嘅原因係因為佢哋認為呢個係孕婦或者老人家嘅座位（67.1%）

進一步問「有時過猶豫是否要讓座嗎？」41.9%回答有嘅人，主因係「因為自己已經好攰24.1%」「以前曾經被拒絕20.4%」「直接問老人家可能會失禮20%」

可以從側面可以隱約睇得出，似乎同日本嘅人與人相處之間嘅壓力、生活壓力都有關係。所以索性唔坐關愛座，其他時間亦有部份人猶豫讓座會造成其他壓力。

另一方面「迷惑をかけない（不能對他人造成困擾）」這種「自我責任」嘅文化，亦令一部份人對接受讓座有抗拒。

一來二往，再加上多事之人「提醒下」，就正如大使所講，變成一個「令人難以生存嘅社會」😮‍💨。香港都一樣演變成批鬥座

另外，當網民諷刺大使「日文好難學」嘅時候，我諗佢哋對大使背景唔係好熟悉喇。佢曾經接受訪問，自佢爺爺開始已經同日本結緣，爸爸喺日本接受教育，佢自己畢業於早稻田大學，之後喺キッコーマン（亀甲万）任職多年，早前有日文書籍著作問世，可想而知佢對日本豪不陌生。

事實上外交官被派駐到一個國家，通常都係因為佢對當地有一定程度認識，尤其日本呢個獨特嘅國家。另一個著名例子就係英國駐日本大使Julia Longbottom。所以唔能夠靠對方紅鬚綠眼嘅外表就斷定對方「唔識嘢」😌

◎私が言うのも何ですが（私がいうのもなんですが）
非常好用嘅頭盔🪖用語嚟「由我來我講的話有點僭越」，用通俗d嘅講法即係「我講就好似有d咩咁啦～」（跟住發動攻勢😌）

Twitter@TeimurazLezhava