係有少許標題黨咗🙈不過原來大阪大学林克彦教授已經研發出如此技術，令2隻雄性老鼠生出7隻小老鼠。關鍵係來自2006年京都大学山中伸弥教授研發嘅iPS細胞 – 將體細胞「還原」成幹細胞嘅驚人發展（山中教授因此而得到諾貝爾醫學獎）。

今次林教授就係用iPS細胞，消除雄性Y染色體剩下1條X染色體，之後再培養出擁有2條X染色體嘅細胞，再進一步培養出卵子！！！將卵子同另一隻老鼠嘅精子受精，結果成功誕生出7隻體能健康嘅小老鼠。

所以教授認為有關繼續長遠可以應用喺頻臨絕種動物，甚至人類不育嘅問題上。不過由於技術有所不同，而且有倫理道德問題，所以佢估計大約要10年以上。

聽到呢度已經好驚人。（哎呀～咁
omega咪可以生仔lor！！唔得…我要控制自己嘅妄想力🙈）

題外話，呢個咁厲害嘅iPS細胞，點解係細楷「i」？原來發明者山中教授認為「同iPad/iPod一樣，細楷i比較有型」咁話。山中教授都係一個傳奇，佢一開始係一個骨科醫生，而且曾經因為將一個一般只需要10分鐘嘅手術，用咗1嘅鐘頭先搞得掂，於是被人改佢花名「山中（やまなか）→邪魔中（じゃまなか）」🙈即係笑佢阻手阻腳，而結果佢竟然取得巨大研究成就，真係好厲害💪🏻 #希望在明天

🔎 https://www3.nhk.or.jp/kansai-news/20230503/2000073411.html