話說日本🇯🇵係可以嘅。做法有少少長，希望有需要嘅佢可以參考😌

首先「爺媳關係」（其實婆媳就聽得多，爺媳真係未聽過，any肥，百貨應百客）屬於姻親關係，即係同血緣唔同，係來自婚姻。日文稱為「姻族（いんぞく）」，而血緣關係嘅親人稱為「血族（けつぞく）」。

而日本有戶籍法，比較形象d嘅解釋即係每個家庭都有自己一棵family tree。
不同於中式嘅「袁家老爺vs袁門容氏」，就係日本基於「夫婦同氏の原則」，所以其中一方會改姓，結婚之後全屋由上至下都係〇〇さん，屬於同一棵family tree。

呢個姻族關係甚至唔會因為夫婦其中一方死亡而告終，而會同浩氣一樣永遠長存！連死亡都不能分開。
不過，假設如果太太話「我真係好x憎佢老豆」！佢仲有一個選擇，就係喺寡後（佢唔係唔鍾意佢老公丫嘛！所以離婚並不考慮）提出「姻族関係終了届」，無論如何斬斷姻族關係，女方亦可選擇恢復婚前姓氏，亦即係所謂嘅「死後離婚」。

死後離婚嘅好處係「終於都可以正式割斷關係」，壞處（我應該稱呼佢為壞處嗎？）就係同時放棄遺產繼承權，以後同夫家再無關係，對有需要嘅人來說係終極解脫。

#其實有少少sad㗎