近年越來越多香港人喜歡去日本睇live，香港日本兩地睇live文化有異，未免失禮人，所以集合幾位都喜歡睇live嘅老師們嘅意見介紹下😌

1）手幅、燈牌、團扇同毛巾唔好長舉，官方影相先舉（N老師補充：次次都係等佢張官方相再搵自己粒頭🤣）

2）睇音樂節（勁多歌手）嗰啲，會互問推し是誰（或者留意對方身上周邊），到佢時互相讓位（好有愛❤）

3）唔建議戴帽，因為會有機會阻住後面嘅人睇。

4）香港比較習慣坐係到睇，日本冇人坐喺到睇㗎！不過Free standing的話都唔可以衝前。

5）唔好亂拍手。香港好興台上唱歌樓下拍手打拍子，但拍唔準😂最好唔好拍。不過呢個要視乎歌曲，有時有d應援call係適合大家拍手嘅。

6）善用locker，太多隨身雜物就擺一擺locker好d，以免阻到人

7）即使好似今次嘅yoasobi嘅「電光石火」咁破格容許影相，大家都唔好掛住放上網曬，而係好好咁enjoy場live！

8）我有見過全企位叫人唔好著高踭鞋（N老師補充）。

9）MC講嘢時唔可以亂嗌同嘈（J老師補充）

10）影相/拍片最緊要留意！呢樣同香港差別最大！要特別注意是否可以。
如果唔肯定/唔識日文唔識聽，建議都係唔好搞咁多野🫣（到時被人趕出去，又雞同鴨講🤣）默默地睇live好了❤因為每場live應該用自己眼睛，用心去細心感受😚，拎住部手機一定分心，而且你拎起部機，有機會阻到後面。一般入場前會有寫/MC會有講。今次電光石火嘅指引係可以影相，但唔可以拍片。

總結：同平常喺日本社會嘅生活重點一樣，講求自律守規矩！做個唔好搞到人嘅飯！

歡迎各位留言補充‼️
最好唔好發生圖中呢種走去拍片之後仲放上youtube嘅反面教材啦。