說一個小故事🙈我旅程途中一時大意跌咗獅子銀行張卡。
旅程其中一個目的地是北陸的新潟，回程提早咗少少去機轉內陸機去另一個城市，所以有少少時間身痕買手信，於是發現張卡唔見咗😨

上機時間倒數+擔心被盜用+餘下旅程點算（係！獅子銀行張卡真係幾好用 #非廣告），腎上腺素飆升之下拼命思考，感覺唯一可能性是漏咗喺頭先還咗嘅租用汽車上。

立刻返到機場租車公司counter，但職員走開了🫠
拎起檯頭直通hotline的電話，表明來意「是一張藍色的master卡，直身設計，有可能漏咗喺頭先架車」。🫡對方很快速的表示了解過後會再聯絡我。

幾分鐘後對方回電說「你剛剛還的車正在被送去換呔的路上，要一點時間到達目的地才能讓現場員工上車找」。#腎上腺素繼續保持高水平🫠

再幾分鐘後又收到電話「現場的員工徹底找過，但實在找不到，很抱歉」🙈我唯有「ありがとうございました。お手数をおかけして申し訳ございません（謝謝。麻煩到大家很對不起）」。

因為上機時間快到，果斷用app臨時block卡，順道通知對方「我現在block卡，萬一原來會影響到剛剛還車時的帳項，請務必跟我聯絡」🙈心諗「效果好似騙案，用車之後block卡，你過唔到數咪再搵我囉。對方唔知會唔會激動彈起？」。
結果佢冇彈起，而且仍然好有禮貌哋跟我說「請先block卡免得有損失」 #你咁好人嘅🥺

懷著有點懊惱的心情蟻躝式慢慢走到禁區準備入閘⋯

呢個時候！！！！！！！！！😱
電話再響起，租車公司說「搵到！唔喺車上！係喺還車點的店門前（離開機場大約5-10分鐘距離）應該是結帳時不小心丟了。」原來對方不單止幫我喺車搵，仲通知埋沿途我去過嘅點其他員工幫我搵，嗚嗚嗚😭咁好嘅

之後對方用5分鐘時間直奔機場喺將卡送回，仲九十度鞠躬致意。

我順利上機。呢種人情味，真係日本不能被替代的軟實力核心。衷心感謝❤

事件中途產生大量胡思亂想，其中一個係🫢好彩我日文有能力表達自己。#識日文的重要性

#北陸人士待人親切熱誠
#出門遇貴人
#喺日本識日文真係好重要㗎
#尤其喺遇到意想不到事件果陣
#北陸 #我會再嚟㗎❤