（落筆highlight咗2-3次，都唔知應該highlight 邊部分，結果我覺得重點都係「做爛規矩」）
其實任何制度都有漏洞、亦一定有人嘗試突破。
但咁明張目膽咁打開口牌講「買工」🤪難道係藝高人膽大？
作為行政書士，我想指出一點：
假如當初申請簽證的過程當中有不符合法規的內容，即使當時能過關，事後當局仍然能以「原始的瑕疵(げんしてきかし)」為理由，追溯將整套資格「取消し」。譬如在申請永住的時候發生，後果就是「一鋪清袋」。
我不認為香港人一定清高，但醒目的香港人一定要考慮後果。