💁🏻‍♀️香港人行政書士導讀
我反而認為：現在是認真考慮日本留學的時機
將近日幾則新聞放埋一齊睇，其實好有意思。
一邊係日本政府開始重新檢視留學、打工、在留制度的運作，強調「回歸本質」，另一邊，係中國政府呼籲自國學生避免赴日留學，導致國費留學、交換留學實際被取消或延期。
我見到唔少朋友嘅第一個反應係：
「日本係咪唔再歡迎留學生？」
「日本生活已經咁艱難，依家再收緊，仲點留得低？」
但我反而覺得，可能需要調整一下角度去理解呢件事。
重申一次之前提過嘅重點：
日本政府今次針對的，並唔係「留學」本身，而係留學制度被錯用、甚至被濫用。
當「以學習為目的的在留資格」，長期被當成進入勞動市場的入口，制度自然會出現修正與收緊。呢個邏輯，其實同近期技人國、永住審查方向係一致的。
再睇返現實層面：
日圓長期偏弱，留學整體成本明顯下降（由過去長期約100円兌HKD7，變成而家兌HKD5）！部分原本來自中國體系的精英學生，因政策原因退出；同時，日本大學本身仍然需要穩定而合規的國際學生來源。
🧐對於本身有清楚學習計劃、資金結構合理、並且願意按制度行的人而言，名額增加了。
作為長期處理留學簽證，同時每日接觸各類在留審查實務的行政書士，我認為：
對日本政府而言，制度正在朝「更容易分辨真正合適的留學生人選」方向前進。
而日本大學畢業，本身亦一直係銜接日本就職、甚至高度人才簽證的一條合法而合理的捷徑。
如果你唔肯定自己嘅背景適唔適合、會唔會踩線、或者而家出發係咪合適，與其自己反覆估，或者我可以幫你整理清楚？😊
◎相次ぐ（あいつぐ）　➖　指「一個接一個」係一個幾好用嘅字嚟㗎～