好多年前曾經同一班從商的大阪人說起過小林製藥。
呢個百年企業雖然在名古屋創業，但紮根大阪。家業傳了幾代，傳到了麒麟兒小林一雅手上，小林製藥因此有了新的靈魂。
小林一雅經濟系畢業後留學美國哥倫比亞大學，這個經歷對他帶來很大的啟發。
如果你問日本人對小林製藥的印象，大致上係「成日出怪產品，但又真係有人買」，而且命名sense奇妙，例如：
→「命の母A」（咳咳…雖然我每次都睇成「阿媽條命(母の命)」）係女性更年期藥物。
→「熱さまシート」　➖　熱＋冷ます＋シート（退熱貼）
→ 「のどぬ〜る」　➖　のど＋ぬる（噴喉止痛藥）
全部都有一個共通點，「名字直接說出用途，沒有多餘理論，沒有高級感」但一秒就get到意思。大阪人認為小林製藥「夠實用、夠直接、夠市井。」
據說小林一雅的理念是「Marketing同研發可唔可以一齊諗」，而且佢經常歡迎公司員工發表「如果有呢種嘢就好了」的意見。
如果你用「東京式」眼光睇，小林製藥可能「唔太高雅、包裝甚至有d老土」。但用大阪邏輯就當然係「賣到＝正義」。
小林製藥亦係業內公認的白色企業：能放假，跟規矩。
小林一雅於2004年退任，社長一職由弟弟小林豊、後由長子小林章浩繼任。
直到2024年發生紅麴事件。
至於一開始提及的「港資基金」，甚至有日本人猜測那是中資，據說裡面一個亞洲人都冇的，係一間專門收購瀕臨破產企業的基金，即係類似「Pretty Woman」裡面Richard Gere的角色（梗係唔係指愛情故事啦～）。相信金融界自有有識之士說說那邊的故事～