一如香港其他行業，日文教師都存在暗黑企業，今次仲要俾日本報導埋，真係…（汗）
雖然係單方面指控，不過由於不是第一次聽到（多年來亦有聽過某些當事人親述），所以個人選擇相信老師。
簡單翻譯一下日本人老師指控：
完全同見工時的條件不同，除了強制OT，還要幫在外國主修日文的女少主越洋3am Skype編寫畢業論文，女少主回國需要幫其免費補習（最初說有錢跟住無糧出），被安裝偷聽器於工作環境＋宿舍，宿舍男女同塞一屋，月薪大概11萬yen左右。上課有香港人職員監視，被打小報告要加工時。由於其他老師都相繼敗陣，當事人估計自己都係告唔入，所以唯有忍最後終於等到機會回日本。
早上8am-11pm工作。。。睇黎無猝死已經好好。
日本文部省對日本語老師資格指引是(符合任何一個)：
1) 修讀”420小時” 日本語教師養成課程
2) 大學主修/副修 國文(指日語)
3) 日本語教育能力檢定合格
（利申：蛋校老師冇人監視）
唔係「係日本人就識教日文」的，正如唔係「每一個N1的香港人都識教日文」。
請尊重別人的專業，套用之前調音師的一句話：不然你怎麼不自己動手調？
圖片為「學校附近街景」咁話
