Kawai日本肝油丸 KawaiNe 已經聽到爛咗
估唔到Kawai肝油丸 居然寄咗d產品俾RainP 🤣而且張相真係好鬼似🤣
俾咗個機會我講講呢個「香港日文界（呢個naming都幾猛🤣）」嘅自古以來嘅（好啦，誇張咗。）頑疾😮💨。
唔知係咪因為大家都聽過個廣告，同學無論默書/寫字/朗讀/會話…都經常將「かわいい」同「かわい」搞錯😮💨，高低音的確一樣，不過前者有長音！！有長音！！有長音！！#重要嘅嘢要講三次。
◎かわいい – 形容詞，直譯係可愛，不過使用範圍同濫用程度遠遠超過可愛，就快去到見到d嘢「幾好/無錯/正/幾過癮…」全部都用緊嘅程度。
◎かわい – 日本姓氏。譬如以呢間廠商為例，漢字係「河合」。
所以已經有好多同學問過：
如果有個河合小姐，自我介紹
「初めまして、かわいです。」咁咪會聽到有人自我介紹自己「我好可愛」lor🤣🙈
我明～但答案係唔會🤣
因為係自我介紹，聽完就會自動完咗。
感覺就類似廣東話聽到有人自我介紹「姓曾」一樣，唔會覺得係「聖僧」卍
咳咳～言歸正傳，香港家傳戶曉嘅Kawai日本肝油丸來自「河合薬業株式会社」，喺一家1911年創立的百年老字號，位於東京。
創辦人 河合亀太郎（🙈對唔住呀。。我自己寫到かわいかめ…嘴角失守咗）博士曾經係第11代日本藥劑師會會長。
公司仍然由河合家族掌舵，以「健康教育」為宗旨，於1979年同時打開香港同內地市場，內地註冊叫「康兒益」。
#有食過嘅舉手🙋
