（唔係Top Gun）真・美國海軍同日本少女70年前嘅愛情故事（上）有點🧅

時間是1953年。
22歲美國海軍マン（Mann）由於派駐除「ハネダ・エアベース」（現在的羽田機場）遇上當時在當地工作，同樣係22歲ヤマグチさん，Mann叫ヤマグチさん 做Peggy。

故事一開始好簡單，鍾意跳舞嘅年輕男女雙雙墮入愛河，然後計劃結婚。但當時美國軍人要同外國人結婚並唔容易，結果婚禮前Mann被召回美國結束派駐任命，而Peggy已經懷孕。Mann安慰Peggy話佢有足夠的存款，先回國之後一定接（呼び寄せる）Peggy到美國。

回國之後就是悲劇嘅開端。
Mann首先發現自己嘅存款已經被爸爸用晒…。原因係他出發前考慮到萬一戰死，所以加咗爸爸個名去自己銀行戶口。於是他立刻搵工，打算賺錢盡快接Peggy嚟美國。佢搵到嘅係高速公路建設工作，一星期6日，地點有時離家頗遠。期間一直有跟Peggy保持聯絡，直至一個月後突然冇晒消息。再3個月之後妹妹轉交了一封Peggy嘅來信俾Mann，內容話佢已經嫁了另一個美國海軍而且已經小產。原來佢哋2個嘅通訊地址係Mann父母屋企，而媽媽唔鍾意佢娶日本人，所以燒晒d信。

然後…就失去聯絡。

70年嚟呢件事一直縈繞不去，Mann今年91歲高齡，如果Peggy都仍然健在，佢希望有生之年可以話俾Peggy聽「我真係冇拋棄你」。

佢5月頭開始FB尋人，事件好快引起日本媒體/日裔美國人關注。

Mann其實一直冇辦法正確串出Peggy個名，佢一直就叫佢做Peggy（我覺得呢樣嘢香港人應該明。），Mann 話記得讀做「Iyacko」，網民猜測係「Ayako」或者「Ichiko」，而佢唔知道Peggy婚後改姓乜嘢。日本網民認為Peggy已經離開日本嫁到美國嘅可能性好高，建議將搜尋重點放喺美國。

上天冇令呢位老人家失望。
「破案」關鍵人物居然係一個居於加拿大女性テレサ・ウォン（Teresa Wong？由於英語媒體沒有再跟進報導所以唔知道ウォン嘅Spelling係咩，不過私心認為呢個名非常華裔！甚至非常香港🙈！）

Teresa有電視節目製作經驗，見到朋友share呢件事覺得可以一試。
佢認為當時流行刊登結婚啟事，於是按紀錄尋找或者有希望。點知真係俾佢搵到！
“The Escaaba Daily Press”有刊登過一個由東京新娘「アヤコ・“ペギー”・ヤマグチ」的結婚啟事，內文甚至提及婚後移居到美國。於是Teresa知道Peggy真名真係叫「Ayako」而且取得佢婚後姓氏，而且透過電話登記知道Peggy依家嘅電話號碼，而且確認…Peggy尚在人世！！

（中段經過省略）Peggy個仔リッチ同Mann個仔ブライアン取得聯絡，確認雙方身分之後，由於相隔1000km（真・相隔千里），ブライアン要分幾日揸車送Mann過去，雙方終於定於聽日！6月1日再見面！

（下）將於聽日（等 #蛋老師 自己喊完）之後介紹。

😳70年前嘅日本少女勁有fashion sense！！
💪🏻網民臥虎藏龍！！