日前日本🇯🇵首相岸田文雄突然到訪烏克蘭🇺🇦（日媒用「電撃訪問（でんげきほうもん）」），岸田文雄首相送出50cm巨型飯殼俾澤連斯基亦包含一個有趣嘅典故。
「飯殼」嘅日文係：しゃもじ，是岸田故鄉廣島縣嘅名產，多用木或者竹造成。裝飯呢個動作係日文可以叫做「メシとる」，同戰場上生擒敵人叫「敵を召し取る（めしとる）」發音相同。所以1905年日俄戰爭（日：日露戦争（にちろせんそう））當時，好多出征士兵嘅家人都帶飯殼去嚴島神社供奉，祈求克敵制勝，而日俄戰爭當時，日本亦的確戰勝俄國，於是造就咗廣島「必勝しゃもじ（ひっしょうしゃもじ）」嘅傳奇。而呢一次，烏克蘭嘅對手同樣係俄羅斯，岸田呢份禮物可謂寓意非凡。
不過一睇新聞報導片段焦點就錯咗喇。因為發現當中一個香港人熟悉的身影 – 現任日本駐烏克蘭(2021 至今)大使、前日本駐香港（2015-2018）大使 松田邦紀💪🏻。
