「為什麼部分香港市民可以接受穿和服，卻要恥笑別人穿自己國家的*華服？」
呢條問題其實問得好好，「漢服/*中華服飾」點解就被恥笑？和服憑咩就獲得欣賞，李慧瓊子都著？
答亦答得一針見血 – 唔係件衫嘅問題，係整體美感嘅問題。
而和服嘅美感，背後其實有一整套完整嘅規則去承載。某程度上係常識，不過估唔到近年「新興」嘅漢服身上會出現以上嘅理解偏差，所以趁呢個機會介紹下。
「和服」有分很多種 ー 以隆重程度區分、以款式區分、以質料區分，亦以身分年齡區分…重點係，實際應用起來，係用晒以上所有原則（賭馬嘅話，即係「過關」！！），以配合場合同自己身份。
隆重程度 – 最casual嘅係浴衣、最隆重嘅係振袖OR黒留袖
款式 – 普段着、小紋、付け下げ、色留袖、色無地、付け下げ小紋…
質料 – 棉、麻、羊毛…
年齡身份 – 已婚未婚、 20-30+歲？50歲？
講完以上，都仲未講帯(おび。腰帶)、配件同頭飾髮型…要如何配搭先適當。
用一個最簡單直接嘅例子就係，60歲女子唔可以話「我未婚！我單身女子！我有權著振袖」於是就下下都振袖去同朋友食飯。
要非常講究和服嘅，日日都要華麗出場嘅，我諗莫過於銀座媽媽生。
睇圖，睇下人地有冇著振袖？媽媽生已婚未婚不重要，媽媽生是否年輕都不太重要（一般都係比較有成熟女性魅力女性），振袖即代表花樣少女，媽媽生點可以花樣少女過小姐們？
或者出席婚禮，無論是否花樣少女，你都唔應該華貴過新娘。
以上所有「着錯衫」，都可以用「イタい」呢個字嚟形容。
◎イタい
形容係由旁觀者角度，被尷尬的感覺擊中的情況。屬於口語。
通常指無法讀懂空氣，行為失當，看了令人尷尬等。所以着錯衫之外嘅情況都可以用，即係…尷尬🙈
例：あの人って！マジでイタい！（果條友真係好老尷…）
漢服唔係唔可以靚，但崛起到依家都唔係好耐，之前都有見過美感理想嘅，不過一般都好進退失據，觀乎近年下下都着到圖中咁，年齡服飾花款顏色全部イタい。我被逼諗起「張達明被包圍.jpg」。點會着到武則天登基咁出街㗎？武則天都唔係日日登基啦。 一比之下李慧瓊子.jpg都真係效果理想。
要彰顯文化，首先你要有文化。
原圖： https://m.facebook.com/story.php?story_fbid=834923501535742&id=100050542986712&mibextid=qC1gEa
效果好嘅漢服圖片來自：http://www.hkcd.com/content_app/2023-05/30/content_1402396.html
