收到好多同學問有關「喺日本教廣東話」🫢繪麗奈效應？
🙈我在日本實習時其實係的確係教廣東話的，嘗試統一回覆一部份問題

Q：時薪如何？
A：1500−3000円

Q：咩人會學？
A：認真的，其實以前多數都係香港電影迷。以前係成龍fans（係，雖然我哋唔鍾意佢），之後多數係梁朝偉。

Q：難唔難教？
A：難。要一個一星期見你60-90分鐘嘅日本人學識廣東話，非常嘔心瀝血。所以你必須喜歡呢個行業先可以繼續教落去。其實喺香港教日文都係一樣🤣

Q：有冇難忘經歷？
A：有。咁當然唔係AV裡面果d（大家諗多咗🤣）。
個案1：
我一開始就失敗咗，作為母語廣東話人，「昨天」呢個字，我不停講「尋日」「琴日」「尋日」「琴日」「尋日」「琴日」2嘅發音不停亂咁出現而不自知，學生表示「！？即係點讀！？」。
個案2：
日本學生返嚟話用日文我知「我見到奶奶（香港人。學生嫁港男）。奶奶唔係好明我講咩😭」「嗯？咁你講多一次我聽你講咗d乜？」「我哋去飲茶，我問佢『你死唔死』」「…..你想問佢『你食唔食』？」
個案3：
同學生文化交流。
我「（用日文問）日文咁咁咁（例子）情況，會講咩」
學生「diu！」
我「日文wor！？」
學生「自從識咗廣東話『diu』之後，我覺得冇嘢可以取代到！『diu』最高（←日文）！」

有機會再補充。