【長文慎入】注意⚠️ 並非販賣口罩post

所有口罩已經發送給前線醫護人員和長期病患者。
一如所有人一樣,蛋老師 & Friends 早前用盡一切人脈關係和每一滴腦汁,目的正是為找到口罩和任何消毒用品寄回香港給有需要的人。
寫長文只為分享我們整個奮鬥過程,讓大家明白市場實際情況,提高警惕和切勿心存僥倖。部份詳情不方便公開,寫得略有含糊,亦希望各位見諒。
一開始我們只向相熟的朋友傳開說一起訂購口罩,結果1日內輕易取得大量個人資料,要求的訂購量達到5位數。
同步進行下跟日本醫療用品廠商取得聯絡開始協商。
蛋老師 & Friends 的人脈網絡包括日本醫療機構、醫學研究院,甚至政府機關、縣人會(可以理解為"同鄉會")跟廠商取得直接聯絡後展開洽談。除了本地人,不通曉廣東話、本地資訊不夠香港人快的日本人同樣需要購買口罩,本地日本團體亦表示他們也缺貨,既然有人帶頭,他們也希望併單。我們曾經一度以為自己可能需要懇求廣大香港市民團結起來,一齊包起整條生產線,連個流程/人手/都想像過,甚至擔心過被金融機關懷疑洗黑錢。
可惜 全日本約有150間醫療用品廠,當中只有3間全程日本製造,其他因為工序/材料/物流等等理由均受到內地情況所影響,最後多方協助只找來3600個 Made in Japan VFE規格的口罩。即使願意將貨期推遲到5月都沒有得到好消息。
經過長時間努力,其他地方生產的口罩我不敢說,不過如果短期內再有人話「我地訂咗日本口罩,大家團購付款啦」.尤其盒裝你就千萬要小心提高警惕。除了財和色,大家的個人資料都屬於重要資產,不要輕易被蛇齋餅粽,依家加多一樣 – 口罩 騙去。
口罩規格方面,經過最近奮戰,部份香港人已經成為口罩規格專家🥺,但仍然有人混水摸魚,我見過有聲稱NGO page亂引用研究報告同人講BFE,PFE,VFE ”no significant difference”(沒有明顯分別),但其實研究報告所提及的”no significant difference”係指有關比較口罩測試方法而並非口罩規格本身(大汗)。該NGO然後聲稱自己喺日本訂咗口罩送俾有需要嘅人,叫大家捐助佢營運。最後發現所謂”訂咗”的口罩竟然係100yen店的「不織布マスク」,BFE Made in China。
BFE只可以遮擋飛沫(即係口水花)/花粉/塵埃。我唔係叫你掉咗佢,不過請大家明白,喺病毒面前,戴咗等如冇戴。而捐助佢營運,應該意思係口罩規格再不合用也不算貨不對辦?真係咩賤招都有。
至於香港海關是否有扣關,物流公司有極度清楚回覆 – 沒有。只要有貨,24小時內從日本運抵香港。那麼Amazon為什麼會出現扣關通知?因為只要貨倉位於內地就會"有阻滯",即係話一係根本講大話扮Made in Japan, 一係根本Made in China。而且最近Amazon湧現大量新賣家,名字大部分都是拼音,到底什麼人在發國難財?
💪🏼「正能量」同路人
由於遠遠供不應求,所以已經安排醫護人員和長期病患者優先取得。
感激物流公司,撥通電話第一句就已經問我「係咪運口罩?」「依家救國(有睇開蛋老師嘅page唔會誤會呢個國係指咩嘅),價錢我可以代你同公司傾,我特登返工都係想幫到手!」
散貨方面,雞蛋仔由北海道到九州都有四出幫手搵散裝口罩(冇辦法之下嘅辦法)雖然杯水車薪。願各位好人一生平安,香港加油!
最後我地又靜靜地睇下到底有幾多心急人齋睇圖就問“幾錢?”。香港人。。真係心急則亂。
關於口罩規格參考:
https://topick.hket.com/article/2550726/【武漢肺炎】認清口罩不同過濾標準%E3%80%80醫生:PFE足以抵禦沙士等病毒

Related Post

發佈回覆

你的電郵地址並不會被公開。 必要欄位標記為 *