醉駕

醉駕,梗係唔啱啦。
日本對醉駕罰得好重,一定唔係18日監禁咁少。

飲酒運転(いんしゅうんてん),即係飲酒之後駕駛。
因為人人嘅酒量唔同,日本分為2個定義:
◎酒気帯び運転(しゅきおびうんてん)
吹波仔之後酒精度超過0.15mg
◎酒酔い運転 (さけよいうんてん)
醉酒駕駛。譬如不能回覆警察問題,行唔到直線等等。就算吹波仔少過0.15mg都可以被檢控。
呼出酒精濃度越高,罰得越重。停牌、弔銷執照、罰款50-100萬yen、監禁3-5年等等各種程度。如果意外之後不顧而去的話,等同危險駕駛致死傷罪,面臨最高15年監禁。

此外,日本對醉駕案件嘅乘客和提供車輛嘅有關人士一樣有牽連,可以罰款30萬yen和監禁2年。

2006年日本曾經發生咗一件非常嚴重嘅酒駕意外引發嘅悲劇,而開始全力打擊酒駕。
當時一家5口嘅車被後面車輛醉酒駕駛司機追尾事故墮海。據報道父母逃脫之後,母親多次跳回海中嘗試救出被困車廂嘅3個小朋友,救出3歲次子和1歲幼女,4歲長子於3小時後連同車輛一同從水中撈出,證實死亡…而被救出送往醫院嘅2位小朋友同樣宣告搶救無效死亡。

害人害己嘅司機當時22歲,判處20年監禁。

官方亦向餐廳宣傳,如果遇到需要駕駛嘅客人要點樣處理。
希望大家都做個負責任嘅司機。

Related Post

發佈留言

發佈留言必須填寫的電子郵件地址不會公開。