唉（有壓力）
#宇宙天團 #Error 4個居然喺鏡頭前面真屙尿！
所以我今日教屙尿…我意思係我教「屙尿嘅日文」😩。

（恢復日文老師tone）
如此生活化嘅行為，當然有好多好多個講法。
先說說「尿」
1）小便（しょうべん）-　最普通嘅講法。
2）小水（しょうすい）- 較為委婉文雅的說法。護士對病人常用。
3）尿（にょう）- 日文裡面是醫學用語哦！廣東話真係博大精深😌
4）おしっこ – 小朋友用語，俗語。

此外仲有其他講法
★トイレに行く – 去廁所。
★シーシーする – 「シーシー」其實係擬聲詞，所以即係等如我哋講嘅「屙殊殊」🤣
★用を足す（ようをたす）
「用」= 「用事（ようじ）」
「足す」的意思是1）「加/添」的意思，2）「辦（一件事）」。
呢度當然係2），類似廣東話「辦大事」🤣不過日文係大小都得㗎。

★雉を撃つ（きじをうつ）
開始有d難度。「雉（きじ）」是日本獨有品種野雞。據說呢個用法來自登山界用語，男子專用。大概是「去打隻野雞返嚟」的意思，女子要用下一個👇🏻
★花を摘む（はなをつむ）- 字面意思「去摘朵花」。
大家醒目d，萬一有女士食食下飯講同你講「花摘み」或者有男士講「キジを撃ちに行く」，我希望你唔好問佢「摘咩花」「邊度有花」「きじは？」「點解你空手而回」（汗）

咳咳😌宴會中如果你要走開一會，請用呢個：
「ちょっと失礼します。」（優雅地離開）

屙尿呢d世界大事仲有太多講法，不能盡錄🙈

#會唔會係史上第一個真屙尿scene？🙈
#開始有壓力
#我唔想教屙屎
#自肥企画其實係咪滿足緊男孩的各種夢想？
#屎尿屁 #啤酒 #玩捉 #會唔會其實有玩埋閹？
#強行合照 #成功但有d尷尬