明けましておめでとうございます⛩
新年第一日介紹一個日本田徑界「スーパールーキー」（超新星）。

🌟不破聖衣来（ふわせいら）
好二次元嘅名字。同佢個名一樣咁受注目嘅係佢喺田徑賽事嘅成績。
佢來自體育世家，祖父曾經喺日本代表，家姐一樣係長跑選手。
14歲時以 9 分 54 秒跑完 3km，一鳴驚人。
（註：3km一般人大約需時12-15分鐘，王軍霞1993年20歲時跑出的世界紀錄是8分06.11秒）

2021 年佢以未滿18歲之齡，喺 20 歲以下嘅「日本女子越野錦標賽」以 19:49 秒完成 6 km賽事獲得冠軍，全場只有佢一個人喺 20 分鐘內完成賽事，比其他一眾 18、19 歲的對手明顯屬於另一層次。

同年4月她以 15:48 秒獲得「日本学生陸上競技対校選手権大会」 5km冠軍。
呢場比賽可以話係佢嘅代表作：
前 3km都同其他選手一齊跑，以 9:23 秒完成。之後佢開始加速拋離其他對手，第 3、4km以 3:5 秒（？！）完成，最後 1km更以 2:58 秒（！？！？）完成。
同時打破大會紀錄更打破個人最佳紀錄😳！
絕對係一個超級強者。

對我來說，重點係個名實在太型💪🏻 #這是黃金聖鬥士

↓日本人對佢暱稱為
#陸上界のフワちゃん❤（因為藝能界有另一個フワちゃん）