阿武町入錯公款事件有驚人發展😳「已經收返4299萬yen」
有關事件始末回帶：https://bit.ly/3PiarwA

#蛋老師 刨咗幾份報導，整理一下其實係咁：
5月8日鎮政府向田口收款戶口的A銀行發出警告信。
收到警告信之後A銀行仍然將贓款按照田口指示，分開三十多次移動到其他地方 – 包括網上付款及轉帳到B、C銀行嘅甲乙丙3個戶口（😑）
甲乙丙呢3個戶口其實係由3個所謂「決済代行業者」嘅戶口。於是向甲乙丙進行民事起訴，以「国税徴収法」名義對戶口進行凍結。結果5月23日收到銀行聯絡，話「已經就5月13日 貴方要求事項進行適當手續，之後就收番9成嘅錢喇！！

而甲乙丙帳戶仍然保密，鎮政府表示不清楚佢哋名稱，甚至表示「唔知道點解突然收到退款。」（沒有其他詳情，不過似乎鎮政府並非要求甲乙丙直接退款，而係要求對方不能動用贓款。）律師估計一係警察有份幫手俾壓力甲乙丙，一係甲乙丙本身有嘢唔見得光，aka「怕X咗你」於是索性嘔返出嚟。

所謂「決済代行業者（けっさいだいこうぎょうしゃ）」即係類似「卡數一筆清」果d財務公司，而日本正當人家好多都唔太清楚呢d係咩公司，好多時呢d公司都係遊走於灰色地帶。另一個報導話呢d係「網上賭場代理結算公司（即係地下錢莊）」，而田口一直話自己賭輸晒嘅…。咁似乎都係有人（公司）寧願息事寧人啦。

圖片來自報導嘅短片，有幾個字要學
（上） ◎合計で　- 「で」用來顯示範圍（0‘22“）
（左中）◎フフフ　- 阿婆聽到收得返d錢，發出高雅笑聲。係フフフ被認為係高雅嘅。大家都試下～フフフ～（1‘40”）
（右中） ◎～よねと- よね是語氣，大概接近廣東話「～係丫嘛」。と係引述，「我方咁咁咁講」。呢位係鎮政府嘅代表律師，佢用白板圖解今次事件（3‘43“）。
（左下）◎甲乙丙（こうおつへい）

餘下大約400萬yen，真係執返身彩（汗）

🔎 https://youtu.be/ZpeUEf-bsI0