（當我以為大家已經冇興趣呢個話題…又有同學問起）

嗯～ 日本都有最低薪金㗎！而且全國金額不同，2021年平均930（時薪，下同）

呢個亦要提及安倍前首相。2015年以擺脫通縮為目標，為最低工資訂下每年增加3%嘅方針，2016年開始往後4年都成功達到目標。2020年考慮到肺炎為社會經濟帶來嘅衝擊，辭職之前仍然發表「現在最優先嘅課題係保就業。」最低工資則象徵式1yen（變成902yen）作為調整。

所以…日本工作買日本牛油～ 如果只收最低工資，大約30分鐘就可以買到呢一舊喇。睇清楚呀～ 200g！北海道產！好嘢嚟～

◎最低（さいてい）- 除咗鬧人（達到「你好仆街」程度）之外，同時可以照漢字字面意思運用。
◎賃金（ちんぎん）- 就付出勞動力的金錢補償。即係人工～

例：30分働いたら、バターが買える！