介紹一下福岡嘅巴士🤔

同香港好唔一樣，福岡嘅巴士係喺車中間位置上車，之後乘客就拍卡（位置1），落車嘅時候就去車頭位置嘅門落車，落車果陣再拍卡（位置2），呢個係日本巴士普遍遍嘅做法（東京比較特別，因為劃一收費所以做法唔一樣）。

不過問題係日本嘅交通儲值卡（譬如Suica）冇按金，即係唔會好似香港八達通咁裡面因為有HKD50所以唔夠錢可以變成負數🙈，所以如果唔早早入定多少少錢入去嘅話，就會喺落車果陣中伏 – 即係落車果陣唔夠錢，所以要即場入錢落前面部機度找續 aka 阻住地球轉。而日本人對於呢類型阻住地球轉嘅行為係有道德潔癖的，因為「你搞到人」而有機會導致鼓噪，所以當事人心理壓力可想而知🙈

可唔可以安排自動增值呢？可以，要用指定嘅本地信用卡。而且同銀行開戶等等都有關係，要唔少時間。

呢d小小嘅社會潛規則，有興趣去日本留學嘅同學、已經洗濕咗個頭即將出發嘅同學們要留意喇～

🥵最近福岡好熱，熱到就快溶。體感溫度絕對比香港熱，而且有瓦遮頭嘅地方比香港少，呢度嘅雞蛋仔P話「巴士嘅冷氣係生命之源」，而本地人就話「咁大個女都未試過熱咁耐」注意注意～

❤最後介紹一下我手上嘅叫「小四」，都係雞蛋仔嘅手作產品❤ #係愛呀哈利

#留學生小知識 #留學注意事項 #如何融入日本社會