播錯國歌事件引發嘅連場討論當中，由於涉事雙方說法不一，一邊話「俾咗」另一邊話「冇俾，所以自己google」，於是「羅生門」一詞登場。

「羅生門(らしょうもん)」一詞起源於日本。1915年芥川龍之芥嘅原著小說裡面，羅生門係一個標誌性建築，象徵「人間地獄」。而京都更曾經有呢度門嘅原形。

1950年黑澤明導演拍攝同名電影，裡面情節撲索迷離，眾人說話各執一詞，結果真相變得模糊不清，難以水落石出。類似劇情後來更屢屢出現喺各種懸疑片，大家亦用「羅生門」一詞去描述生活裡面嘅類似情況。

ok….我講咗咁多。當大家以為可以同日本人講到七欖呢單嘢果陣拋下書包果陣…🫣
就會發覺原來日文係冇呢種用法的🫣

即係話，「羅生門」對日本人來說，就係一套戲、一本小說。
通常佢哋會補多句「哦～不過我冇睇過🤔」

所以「羅生門」裡面呢一種借喻嘅用法，係建基於1950年黑澤明電影作品嘅派生用法嚟，日本本土，反而係冇㗎～

🇭🇰「羅生門呀！」
🇯🇵「？？？」
🇭🇰「哎呀～你唔知呀？？」