日本國家隊「60號」隊員 西芳照

西芳照先生係佢哋長久以來嘅御廚，2004年默默謹守崗位25年，遠征時亦隨隊出發，總數超過200次。而且要照顧眾多大男孩嘅胃同體力，責任重大，所以西シェフ每每遠征時每日平均只訓5小時。

報導指佢哋有一個「鉄板ローテーション*」- 比賽前嘅鐵定餐單，全部現場製作：比賽3日前食漢堡趴，2日前食銀鱈魚西京燒，1日前食蒲燒鰻魚。曾經試過要改動餐單，結果有大男孩因此投訴「如果唔上漢堡趴我哋就暴動」，。結果有冇暴動就唔清楚，不過呢個比賽，日本隊勝。

結果西シェフ好謙厚咁同森保一監督講「おめでとうございます」，結果出乎意料，平日向來溫和嘅森保監督竟然嬲咗：「西さん、おめでとうじゃないだろう。やったねとか、仲間だろ？（唔係「おめでとう」下嘛？係講「やったね」之類下嘛？我哋係夥伴嚟㗎嘛！）」

至於點解「おめでとう」就唔係夥伴，「やったね」就係夥伴呢？
因為聽起來「おめでとう」係恭喜對方，變相聽起嚟好似說話的一方並沒有一齊享有呢個好事，而係站喺較遠嘅位置「替你感到高興」，而「やったね」直譯意思係「做到喇！」即係類似廣東話話「得咗💪🏻」，聽起嚟係同一夥人見到同伴成功，於是話「我哋得咗喇！」嘅感覺。

當然呢個並唔係語言嘅對錯問題，而只係反映言者如何position自己，聽者如何消化呢個感受，並且因為感受到一個比想像中遙遠嘅關係距離而難受。即係一句就聽得出，「你都冇當自己係我哋自己人🥺」

而其實西シェフ嘅存在感一直好強㗎！佢擁有自己嘅Youtube Channel，佢亦經常出現係大家眼前，譬如圖中就係眾位大男孩喺佢還曆（60大壽）俾咗件60號嘅波衫佢。

世界杯之後西シェフ即將退休，大男孩們嘅漢堡趴要換其他人做啦。。。

日本呢個品牌最強嘅PR，係佢哋嘅「人」❤

圖：西シェフ 全副上陣裝束坐C位（大家夾手夾腳掃開「陳豪」🤣）拍照留念