:
:
:
:
:
:
:
:
:
:
:
:
:
:
:
:
:
:
:
抱住「幾得意喎，睇下先」嘅心情開始睇第一集，結果意想不到被喚醒了留學生魂。
係呀，留學生（WinWin係工作假期）就係窮得好緊要，未必一定係荷包營養不良，但多數都因為對將來有各種憂慮，多個錢旁身總是好的，所以大部分心靈上都會覺得自己好窮。於是我哋會用盡一切方法慳錢：因為平20yen行路去好遠買棵菜，因為臨關門會大減價所以衝去超市買平嘢，喺老麥拎多咗包糖於是帶返屋企用…

同朋友夾住，分返水電煤氣費係常識啦！不過唔一定做得到好似WinWin咁徹底，連沖涼時間都注意限時，不過咁樣絕對係好事，否則好容易導致糾紛。蛋老師 以前有朋友就係因為相見好同住難，結果因為「你睇電視夜過我，我早訓」跟住爆發電費糾紛…

生活好似好辛苦咁，為咗咩呢？就係為咗夢想（我知道有d老土）。但快樂有時候就係咁簡單，平平哋食到有良心有質素嘅食物，第二日可以同朋友去行街，可以跳舞（我嘛…係可以10yen買到絕版舊書…），一切都不容易，但一切都心甘情願。

#追劇mode開啟
#WinWin #今日之後我會叫得出你個名 #楊安妮。
#吞拿魚蓉果然係我老公 🤣 旦那さんによろしくね

打岔順道講下一個好多人問嘅問題：🇯🇵#工作假期同留學有咩唔同 ？應該點揀？
1）申請簽證嘅要求唔同
例如留學簽證需要擔保人，而工作假期不需要。
2）年齡限制不同
日本留學簽證原則上沒有年齡限制，工作假期上限是30歲。
3）可批出期限不同
日本留學簽證有各種不同，工作假期上限一年。
4）#重點 #你得到嘅嘢唔同。
留學簽證是你為自己投資一個學習。以日語學校為例，這是一個正規完整的語言訓練，空餘時間做兼職幫補，畢業時可以得到一套跟你一世嘅語言技能，將來無論見工定係談判，佢都係你身上最鋒利嘅刀。
工作假期係你一邊賺取生活費一邊體驗當地生活甚至體驗職場文化。限時一年，又食又拎，有本事你可以帶走幾多就係幾多。嚴格嚟講不是投資，而係trainee。

至於應該如何選擇，你可能要由1）開始思考幾次，你有什麼/你想得到什麼。
同時，亦好歡迎你搵我哋同你傾下。整理一下思緒，知道下一步應該部署，就可以去日本捱窮喇🤣 冇咩嘅～ 我唔會話你知其實日本超市丟出嚟嘅菜都好新鮮🫢順道去追住d阿婆問下條魚點煮，可以呃水吹練日文….

補充幾個WinWin好鍾意嘅食物名🤣
◎鳥皮餃子（とりかわぎょうざ）
◎手羽（てば）- 係係係，係名物串手羽（めいぶつくしてば）
◎飲み放題（のみほうだい）- 係係係！500yen！1小時任飲

#夢に向かって頑張れ！TAMAGOが応援します！