草なぎ剛喺SMAP年代，有一項特別技能，係遠遠拋離其他成員嘅 – 韓文能力。
佢曾經參與韓國電影「シュリ」（港譯：生死諜變）演出因而對韓語產生興趣，之後自學亦有私人導師學習。生死諜變票房大賣，佢喺韓國亦有非常高嘅知名度，經常出現喺各種綜藝、廣告、參演舞台劇，甚至出書教日本人如何學韓文💪🏼。

由於佢嘅韓文巔峰時期非常流利，甚至曾經出現誤傳話佢係「在日韓人*」。

好喇…即使係咁，其實一樣可以忘記。可能喺充滿熱誠嘅時候你日日睇某種語言/學跳舞/健身…但佢都係可以悄悄咁離你而去，唉…「像極了愛情」。所以真係愛就要好好愛，我意思係包括日文 – 真係鍾意就要扚起心肝好好認真學。佢同愛情最唔同嘅地方係，可以隨時再續前緣❤

日文問題：「○○〇〇忘れてしまいました」應該填咩呢？
A：はっきり
B：すっかり
C：しっかり
D：ゆっくり

答案明晚23:00公佈。

歷史遺留問題之一，喺日本有為數不少嘅土生土長韓國人第二第三代。為避免被歧視，日常生活多數使用另一個日文別名。