作品來自一位10歲嘅小朋友 – 野口晴輝（のぐち はるき）くん。
「さしみ食わせろ（さしみくわせろ）」
◎食う（くう）- 意思係「食」，比教科書上常見的「食べる」來得粗魯。
◎食わせろ – 命令形。可以想像為喝令對方做某一件事。
再加上有點豪邁奔放嘅書法，畫面活靈活現立即感受到有人大喝一聲「俾我食刺身！」令人忍唔住嘴角上揚。

但呢個會心微笑當仔細睇埋旁邊嘅細字解說即刻就hold唔住。
「享年10才」- 非常喜歡壽司同刺身嘅野口くん係小児がん（しょうにがん。兒童癌症）患者，於10歲時離世。治療期間唔可以食未經煮熟食品，野口くん每日忍耐。習字作品喺佢喺醫院接受治療期間寫下，並貼喺病房牆壁。每日佢都會問醫生「可唔可以食？」

野口媽媽「今は我慢しなくていい世界でおいしいものをたくさん食べて、たのしい時間を過ごしているのかな。そうであることを願います。」
（依家應該身處唔洗忍耐嘅世界，食到好好食嘅事物，愉快咁生活吧？但願如此。）

日本每年大約有2500名兒童患上癌症，雖然有大約70-80%可以治癒，但仍然佔兒童死亡原因的首位。政府會聯同不同機構舉辦活動希望引發社會大眾關注，藝術作品展屬其中之一。

#復活節說說生死