24分鐘左右嘅片段，係講一個華裔阿婆喺日本千葉縣海邊鑿蠔，但冇帶走蠔殼，屬於非法棄置垃圾嘅違法行為。而Youtuber就喺制止佢並報警嘅過程中（拿～警察花咗大約15分鐘到場），阿婆耍賴唔成功結果開口咬人lin頭😰同手腕，最後以傷人罪被捕。

不過阿婆耍賴唔成功之前嘅日文，大家可以留意下。😌好明顯佢聽得明被人話緊d咩，所以聽解力真係唔錯。雖然每次都只係回答簡單幾個字反覆使用，但回應嘅timing同反應都自然流暢，落點精準🤔，令人不禁諗起金庸小說射雕英雄傳裡面嘅傻姑，只有3招旁身，但變化萬千，足夠自保（…🙄真係dklm）

我哋抽出嚟學下。

◎なに〜よ　- 「～」位置可以填上任何「被對方指責嘅話語」。即係廣東話「咩～呀！」。
例如有人話你「你飛機場」→「咩飛機場呀！」

我知😌大家一定想學埋「你先飛機場！你全家都飛機場！」但呢個已經超出咗「自保」範圍，萬一好多Like先教埋啦～

◎もう〜　- 「〜」位置可以填上幾乎任何無厘頭內容，但最緊要同回覆無關（😩天呀…好孩子明就好，不要輕易使用）。「もう要らない」係阿婆嘅選項，表示「呢d蠔殼唔要㗎！」而且重複2次，蠔殼已成過去～輕輕的我要走了～

◎〜じゃないよ　- 簡單直接否定對方內容。「冇d～咁嘅嘢！」

◎いいよいいよ – 「好喇好喇」「得喇得喇」

最最最最後一招因為斷正，阿婆選用「ごめんなさい」。語言實戰能力實在唔低，不過佢唔好彩，遇到呢個Youtuber專門以捉人唔守規矩為己任，結果就算咬lin頭加道歉都走唔甩。

片段lin頭部分全部打晒格仔，後期混戰都冇做字幕喇。
🔎 https://youtu.be/NxeXYMJLhTQ