市川猿之助事件事件裡面，其年邁雙親死亡，當事人獲救。
報導裡面，有一個中文睇起嚟令人似懂非懂嘅字 – 無理心中。
◎無理心中（むりしんじゅう）
現代日語裡面「心中」發展到今時今日，已經同中文嘅「心中」無關。

本來「心中」嘅讀音係「しんちゅう」，係是「まことの心意、まごころ（真誠嘅心意，真心）」嘅意思。後來意思漸漸從 「對他人盡義理」轉變為「心中立（しんじゅうだて）」- 真心相愛兩者之間的愛情契約，山盟海誓。
為呢個盟誓立據，「心中立」嘅行為包括斷髮、斷尾指或者拔指甲（😰）等等。到咗現代，「心中」係指為愛情或者種種理由而一同赴死，即係「殉情」，使用範圍亦擴展到朋友、家人😰。

「無理（むり）」係「夾硬嚟」「勉強」嘅意思。如果對方並非自願一同赴死，就係「無理心中」。

都係屬於唔好諗住識漢字就識日文嘅系列之一。

#生命可貴
#唔好咁唔好咁