經理人公司就廣末涼子出軌事件宣布對其「無期限『謹慎処分』」，如果你因為識中文而認為係「小心謹慎哋處分」…咁就誤會晒喇。

◎謹慎（きんしん）
來自江戶時期，上級武士或公家嘅因犯錯而退位嘅處罰，類似引咎辭職。武士需要關閉門戶，白晝禁止外出。之後「謹慎」引申解作「避免不必要外出」，亦即係「閉門思過」

◎処分（しょぶん）
日語裡面有2個意思
①中文「懲罰」嘅意思之外，「謹慎処分」就係①嘅意思
②「丟棄」嘅意思。
→要らないものを処分する（丟掉不需要的物品）嘅意思。

所以即係「無限期停工」。
日文裡面嘅漢字同中文唔係下下都同一個意思㗎！譬如「勉強（日：溫習）」「怪我（日：受傷）」「看病（日：照顧病人）」「留守（日：不在）」…

題外話：「謹慎処分」係學校同公司裡面都有，雖然已經很少執行。執行情況各處有所不同，大致都係要求當事人「閉門思過」。學校的話，一般喺處分期間學生當作缺席處理，公司的話一樣停薪。