一家名叫「雨辰」嘅批發貿易公司，由2021年開始以普通「天然水」申報總值超過370 億日元嘅高級化妝水到香港，並利用日本化妝品輸出免稅制度，串通大約10間出口公司，騙取稅款「※返還」等，牽涉課稅共約44億日元。

事件爆出後雨辰負責人已經由日本出境往中國，朝日新聞嘗試採訪，對方表示「不能評論」。同時國稅局亦向出口公司徵收有關不當操作牽涉的9億日元「返還」稅款。

朝日新聞採訪販賣天然水店舖老闆表示，大約3年前開始由2個着便服嘅男人喺高田馬場開始爆買天然水。一箱6枝2L裝，大約每次100箱，一開始用手推車搬運。雖然當時正值新冠疫情，政府鼓勵國民自肅（自主管理）不要堂食，但自用的話這個數量實在太大，當時店員也有疑惑：「用以備災的話10箱也很足夠了。究竟用來做什麼？」

呢2個人由一開始每月幫襯一次，變得越來越頻繁，有時仲會一次過買超過400項，佢哋亦改用汽車運送。店員覺得「當中一定有古怪」，不過因為對方每次都即場找數，所以從來冇問過用途。

舊年，一個唔似顧客嘅西裝男到訪，向社長出示卡片「我係國稅局職員」「有冇人大量買水？我唔係查你舖頭，請你提供協助。」

社長表示「2個男人通常喺舖頭出面拆箱，將天然水裝入冇標記嘅紙箱。我哋有提出可以送貨，不過對方拒絕」

國稅局職員花幾個月時間喺舖頭附近觀察，確認雨辰每次購買日期同數量同出口公司申報嘅「輸出」「化妝水」詳情相同。

被調查嘅出口公司供出「雨辰係paper company，實際並無化妝水交易，而大家約好喺騙取國家退稅後攤分」

話說「雨辰」呢個名，一d都唔日文。

※返還（へんかん）- 歸還/退

🔎 https://news.yahoo.co.jp/articles/d63d69e20b67e70a03e0bad1db9c324aecb21100

#賣水嘅贏 #走佬嘅暫時領先 #出口公司輸