走數是廣東話口語，意思包括欠債不還或者違背承諾。
日本童謠裡面有一首關於許諾同走數之後嘅「罰則」，即係「勾手指尾」果陣唱嘅。

「指切り げんまん　嘘ついたら針千本のます　指切った」🎵
◎指切り（ゆびきり）ー　依家就係2個人勾勾手指尾。原本嘅意思係真係切手指的。源於自江戶時代「吉源（風月地，可以理解成當時日本版嘅石塘咀）」。在裡面嘅遊女對心儀嘅恩客會送上自己手指以示獨一無二嘅真愛，當然真假另計啦。

嗯～ 跟住走數嘅後果黎喇
◎ げんまん – 嗯～ 走數嘅後果黎喇。漢字係「拳万」，意思是一萬拳。
◎ 針千本（はりせんぼん）ー　一千枝針。
◎ のます – 「飲ませる」（讓你吞的意思）。

所以勾手指尾日文叫「指切り」一路勾手指尾一路唱…細思極恐。🥶

d人咁大聲講走數都有嘅🥱