IT狗 電子帛金？日本有喇🤣
而且比想像中更全面。

1）離世先人網站製作 – 方便親屬發放有關先人離世消息和葬禮詳情等
2）帛金/鮮花等販賣服務 – 同一般網上購物服務類似，可以選擇自己心目中的鮮花甚至帛金金額，click～ pay～ 完成！註：接受Master/Visa
3）家屬可以選擇回禮禮品 – 可以先參考出席者的帛金金額再於平台購買
4）守夜+葬禮直播 – 方便不能親身出席人士。俾咗錢就會有password login睇
5）QR Code簽到 – 方便親身出席人士。同時可以嘟埋事前購買嘅鮮花同帛金等等。
6）錄影服務 – hmmmm 都係類似朝拍晚播啦。

一個字 – 勁！

自2019年起日本政府cashless方針，加上肺炎而不能輕易遠行等原因，e葬儀服務應運而生。
問及使用者感受，其中一點係「反正都係俾錢，用信用卡可以儲分」原來都係重點。
對親屬來說，可以事前獲得課金方便週轉果然真係好重要。

學生字！
帛金 – 一般叫做「お香典（おこうでん）」，基督儀式的葬禮叫「お花料（おはなりょう）」。日本的帛金「市價」要視乎關係，朋友/同事關係的話大概3000yen到30000yen不等。注意⚠️同香港故意額外添HKD1嘅做法唔同，日本傳統習慣係必須要整數，因為佢哋認為「能除盡2」比較吉利，同香港啱啱相反㗎。

#多謝Simon
#我唔話俾你哋聽！！
#期待下集！！