係～本篇主角唔係佢老公織田信長，而係「蝮蛇之女」濃姫。
不過唔好搞錯，「マムシ（蝮蛇）」呢個稱號雖然好威猛，但並非來自濃姫本身，而係來自佢心狠手辣嘅阿爹 – 「美濃のマムシ」斎藤 道三。

實際上有關濃姫嘅史實記載非常有限，但身為戰國時代幾個傳奇人物身邊嘅女性，佢嘅存在令人產生無限想像。以下內容有多個版本流傳於世。

據說因為有個手段厲害嘅阿爹，濃姫 15歲成為織田信長正室之前，已經係守寡2次🙈
第一次係10歲時嫁俾土岐頼香。之後土岐被岳父派出刺客追殺時自殺身亡。（另有說法指新娘其實係斎藤 道三其他女兒）

第二次係2年後，阿爹將濃姫嫁予土岐頼純（第一任丈夫嘅侄），結果翌年土岐頼純暴斃，普遍認為其為岳父所殺（同樣，另有說法指新娘其實係斎藤 道三其他女兒）。

以現代日本嘅角度，濃姫 15歲第三次結婚嫁到織田家之前就已經係「バツ2（2個交叉）」- 按照日本戶籍個紀錄方法，每次離婚都會喺戸籍上出現一個「✖️」刪去舊紀錄。所以…真係分分鐘已經看透人生。而濃姫父親同織田家本來係敵對關係，呢次嘅婚姻亦係政治聯姻，象徵兩股勢力結盟（所以戰場轉移到屋企裡面？🙈）。

雖然一般都認為濃姫真名叫「帰蝶（きちょう）」或者，不過歷史學家並不採納呢個說法。濃姫亦唔係佢嘅真名，只係指佢係「美濃国の姫」，而「帰蝶」或者「胡蝶」都係來自後世嘅坊間記敘，逐漸於江戶時期確立。同當時大部份嘅女性一樣，即使身分高貴但濃姫本名不詳。

後世普遍係黃相信濃姫係一個唔簡單嘅女性。
就濃姫嘅性格坊間有如此描述：
//織田家に嫁いでいく時、道三公は帰蝶に一ふりの懐刀を与えたといいます「信長は*うつけ者との評判である、まことうつけ者であったならばこの刀で刺せ。」
そう言った道三に対し帰蝶はこう答えた、「承知しました、ですがこの刀、父上を刺す刀になるやもしれませぬ。」//
（濃姬出嫁前，道三俾咗一把短刀佢，話「如果信長真是蠢材你可以殺咗佢」。帰蝶答：「我明白了。不過最後呢把短刀可能會指向父親大人。」）

◎ うつけ者　ー　近似「個腦生草」嘅意思。據說織田信長自小奇行甚多，以現代人嘅角度，其實可能係學習障礙或者亞氏保加症（？），而當時大家只係認為織田信長係「尾張のうつけ者」。

#烈女～～
希望有增加大家煲劇…咳咳…🤣我意思係學日文嘅趣味～🫰🏻