🤤好鍾意食そば・うどん
福岡本地人介紹食呢間老店そば（商場本身建於1954年，舖頭大概同齡？），據說平日條龍排到街口，不過因為暴雨（係…但我又喺街行緊）所以今日人少好多，於是光速入店💪🏻

一直認為最能夠了解一間蕎麥麵店嘅手腕，就必須要叫「ざるそば」，然後發覺可以逐隻炸蝦叫…又覺得佢個「吸い物（すいもの）」只需要50yen非常吸引…結果如圖🤤總之巧巧。

食到七七八八，婆婆突然放低一個紅色壺。
哦！ 係「蕎麦湯（そばゆ）」。

「蕎麦湯」其實係淥蕎麥麵時候嘅熱湯水，客人可以就咁倒出嚟飲，或者將沾麵剩低嘅麵汁開稀飲用。點解要提供呢個蕎麥湯俾客人呢？因為淥嘅過程裡面蕎麥麵釋出嘅蛋白質導致湯水變成米白色，另外亦含有蕎麥獨有嘅ルチン（Rutin）及可以平衡アミノ酸（Amino Acid）所以係好健康嘅副產品。

「そば湯をおつゆに入れて飲む」

咳咳…講咁多…其實我係唔鍾意飲嘅。
すみません🙈

#日本生活 #留學生注意事項 #如何融入日本社會