思考咗一陣😮‍💨
今日話題無疑一定是墮馬事件，之後導致嘅人道毀滅做法。

喺日本，唔難搵到資料：馬匹除了因傷人道毀滅之外，退役馬嘅去路被據說「完全黑箱作業」，據日本媒體採訪「業內有關人士」，大家估計「9成變成食用馬肉」😨
（備註：2019年資料顯示從記錄上消失的6094匹馬，當中有1271匹成為配種馬。其餘並並無紀錄顯示去向。）
據說呢個話題係「業界のタブー」（業界的禁忌）。

睇完…覺得有d心寒。
不過如果說很殘忍，咁牛同豬又點呢？

日本有退役騎師同馬主分別開設不同地方對退役馬匹提供照顧。

日本中央競馬会（JRA）2017年曾經就退役馬作出討論，並開始向各個接收退役馬嘅團體提供支援。不過馬匹有可能2-3歲就退役，而馬匹嘅餘生需要花費2000萬yen一年照顧。JRA於2020年撥出9億yen作為有關預算其實仍然係杯水車薪。

JRA負責人表示「盡量希望馬匹可以安享晚年，但實在不能將屬於家畜類的馬匹同貓狗等寵物相提並論。」而馬事学院（其中一個照顧退役馬匹的團體）野口さん表示「明白大家有各自立場，但同時應該停止隱瞞現狀，就退役馬問題展開討論。」

嗯。所以糾結咗好耐，都係覺得講講一個日文。要討論嘅首要條件就係識字。
◎殺処分（さつしょぶん、さっしょぶん）ー「処分」除了同中文相同，帶有「處理」呢個意思之外，仲有「處理掉（例如丟棄/賣走）」呢個意思。
所以用喺加上「殺」呢個字，就係中文「人道毀滅」嘅意思😮‍💨

揀咗好耐先揀到一幅視覺刺激稍低嘅圖
🙈希望下次個話題可以正面d